…Úti er ævintýri !

TLC tapaði fyrir Elliða 1-2 í hörkuleik í 8liða úrslitum utandeildarinnar á sunnudaginn. TLC komst yfir með vítaspyrnu sem Stefán Helgi afgreiddi örugglega. Elliði jafnaði rétt fyrir lok fyrri hálfleiks eftir að TLC hafði verið sterkari aðillinn í leiknum fram að því. Í seinni hálfleik komst TLC ekki inní leikinn fyrstu 20 mín þökk sé arfaslökum dómara leiksins sem flautaði á hvern einasta andardrátt leikmanna TLC og stal heldur betur senunni. Þegar uþb 15mín voru til leiksloka fékk Gaui sitt annað gula spjald, mjög klaufalegt. Elliði nýtti sér liðsmuninn og skoraði þegar 5-7mín voru eftir og þar við sat.

Þrátt fyrir tapið spilaði TLC þokkalega, sér í lagi í fyrri hálfleik.  Sárt að detta út strax í fyrstu umferð eftir að hafa unnið riðilinn nokkuð örugglega. Setja verður spurningamerki við framkvæmd mótsins í ár s.s. Tungubakkar, riðlakeppnin, langt bil fram að úrslitakeppni ofl. Það var bara eitthvað við mótið í ár (t.d. framangreindir hlutir) sem gerði mótið ekki eins spennandi, kannski er ég bara einn um þá skoðun. TLC koma sterkir til leiks að ári það er klárt.

Nú er bara að gera tímabilið upp með hinni árlegu árshátið.

8-liða úrslit

sælir

Þá er loksins búið að draga í 8-liða úrslitum Utandeildarinnar. 

24.9.2006 – 19:00 TLC-Elliði
24.9.2006 – 20:30 Fc Fame-Hjörleifur
25.9.2006 – 19:00 CCCP-Dufþakur
25.9.2006 – 20:30 Vængir Júpiters-Melsted

Það er ljóst að við munum leika við nýbakaða Bikarmeistara og núverandi Utandeildarmeistara ELLIÐA, leikurinn fer fram á sunnudaginn kemur kl.19 og er mæting kl. 18 í Egilshöll. Ljóst er að leikurinn verður gríðarlega erfiður og þurfum við því að ná góðri mætingu og vera temmilega heilbrigðir á laugardaginn. Í liði Elliða eru komnar nokkrar gamlar kempur t.a.m. Andri Marteinsson, Finnur Kolbeinsson og Kristinn Tómasson. Það er ljóst að það er ekkert skemmtilegra en að slá út núverandi meistara.

Koma svo allir að melda sig í leikinn hérna

Æfing 20.09.2006

Sælir

Á miðvikudaginn kl.20:30 er æfing í Risanum. Mikilvægt er að við náum góðri mætingu á þessa æfingu þar sem við erum að fara spila í átta liða úrslitum annað hvort á sunnudag (24.09) eða mánudag (25.09). Ekki er ljóst við hverja við munum spila við en dregið verður á föstudaginn. Mögulegir mótherjar eru: Elliði, V.Júpiters, Dufþakur eða Melsteð.

Þá væri einnig gott ef að menn gætu gert ráðstafanir til að vera lausir þessa daga því við verðum að vera vel mannaðir í þessum leik

Menn skrá sig hér á síðunni eins og vanalega. 

Æfing 13.09.2006

Æfing á morgun miðvikudag kl. 20:30 í Risanum. Átta liða úrslitin eru á næsta leiti og því er ekki úr vegi að æfa vel fram að þeim leik. Við munum líklegast spila við Melsteð eða Dufþak og verður líklega leikið 24. eða 25 sept í Egilshöll, menn reyna að fá sig lausa á þessum dögum.

Allir að melda sig inn

TLC – Nings

TLC og Nings gerðu 3-3 janftefli í 11. og seinustu umferð riðlakeppninnar. Nings var 2-0 yfir í hálfleik og komst síðan í 3-0 í seinni hálfleik. Leikurinn fór fram á Tungubökkum við hálf ömurlegar aðstæður, grenjandi rigningu, rok og rökkur undir lokin. Gaui minnkaði muninn þegar um 15mín voru eftir þegar hann fylgdi á eftir skoti Gumma S, Gaui bætti síðan öðru marki sínu við með glæsilegum skalla eftir aukaspyrnu frá Ívari og staðan orðinn 2-3 og stutt eftir. Þegar nokkrar mínutur voru eftir fékk TLC aukaspyrnu á miðjum vallarhelmingi Nings og eftir klafs og misheppnað skot frá Stebba Helga þá náði Baddi að jafna leikinn með skoti af stuttu færi í slánna og inn. Verðskuldað jafntefli staðreynd og liðið sýndi mikinn karakter og baráttu með að koma tilbaka í stöðunni 3-0. Nú er það bara átta liða úrslitin sem taka við og ekki er enn ljóst hvaða lið við mætum þar, ætti að vera eitt að tveimur liðunum sem lentu í þriðja sæti í sínum riðli. Byrjunarliðið var þannig skipað:

Binni Beggi Grímur Baddi Addi

Ívar Hjalti Stebbi Helgi  Hrafn

      Gummi S   Stebbi

Varamenn: Gaui og Svavar komu þegar 20mín voru búnar og síðan kom Óli C í seinni.

Markaskorar og stoðsendingar:

Gaui – Gummi S

Gaui – Ívar

Baddi – Stefán Helgi

11.Umferð

Sælir

Á sunnudaginn fer fram 11. og lokaumferð riðlakeppninnar þegar TLC mætir Nings á Tungubökkum. Nings er í 6.sæti í riðlinum með 17stig og á aðeins veika tölfræðilega möguleika á að komast í 8 liða úrlsitin. TLC siglir hins vegar lygnan sjó í efsta sæti riðilsins. TLC hefur aldrei spilað við Nings í opinberum leik en seinasta vor léku liðin æfingaleik í Fífunni þar sem Tóti og annar Ningsari fegnu gat á hausinn, ég man ekki hvernig sá leikur fór en tölfræðimeistarinn gæti jafnvel varpað ljósi á það fyrir okkur við tækifæri.

Þrátt fyrir að leikurinn skipti ekki miklu máli verðum við að reyna nýta hann vel þar sem að við misstum út leikinn gegn Moppunni og 8 liða úrslitin eru á næsta leiti.

Mæting er kl.18:00 á Tungubakka og allir að melda sig inn 

11.Umferð

Sælir

Á sunnudaginn fer fram 11. og lokaumferð riðlakeppninnar þegar TLC mætir Nings á Tungubökkum. Nings er í 6.sæti í riðlinum með 17stig og á aðeins veika tölfræðilega möguleika á að komast í 8 liða úrlsitin. TLC siglir hins vegar lygnan sjó í efsta sæti riðilsins. TLC hefur aldrei spilað við Nings í opinberum leik en seinasta vor léku liðin æfingaleik í Fífunni þar sem Tóti og annar Ningsari fegnu gat á hausinn, ég man ekki hvernig sá leikur fór en tölfræðimeistarinn gæti jafnvel varpað ljósi á það fyrir okkur við tækifæri.

Þrátt fyrir að leikurinn skipti ekki miklu máli verðum við að reyna nýta hann vel þar sem að við misstum út leikinn gegn Moppunni og 8 liða úrslitin eru á næsta leiti.

Mæting er kl.18:00 á Tungubakka og allir að melda sig inn 

Æfing 06.09.2006

Sælir drengir,

Æfing kl.20:30 í Risanum á morgun, miðvikudag. Næsti leikur er á sunnudaginn kemur 10.09.2006 kl. 19:00 á Tungubökkum(ath breyting á leikdegi) og því mikilvægt að taka æfingu fyrir hann. Mætingin var fín seinast, reynum að ná aftur 7-7.

Allir að melda sig inn

TLC- FC Moppa

Frábært knattspyrnuveður var í kvöld og þrátt fyrir það mættu aðeins 5 leikmenn FC Moppu til leiks og því vann TLC leikinn 3-0. Afar sorglegt þegar lið mæta ekki í leiki. Í liði TLC voru eftirtaldir mættir : Binni, Gísli, Ívar, Storm, Davíð, Viddi Fræ, Gaui, Stefán Helgi, Ægir, Óli C, Svavar, Halli, Beggi, Gummi S og Grímur.

Samkvæmt www.Gras.is/utandeildin þá fór leikur FC Reynis og Vatnsberanna 3-5 og því erum við öruggir með fyrsta sæti C-riðils þrátt fyrir að einum leik sé enn ólokið.

Loka leikur riðilsins er gegn Nings og er settur á 12.september kl.21 á Tungubökkum, afar ólíklegt er að sá leikur verði á settum tíma þar sem vonlaust er að spila svo seint á Tungubökkum. Ég mun láta athuga þetta og læt ykkur vita.