Æfingaleikur TLC – Vængir Júpiters

Leikurinn er kl. 20:30 og menn mæta tímanlega 19:45-20:00. Leikurinn er væntanlega í Mosó þar sem seinustu æfingaleikir hafa verið.

Þetta er alvöru leikur á móti meisturunum þannig að við þurfum topp mætingu.

Allir að skrá sig.

Æfingaleikur nr. 3 TLC – Henson

TLC spilar við Henson á þriðjudaginn 19. maí kl. 20:30 21:30í Mosó.

Búningsaðstaða verður til staðar og allir að reyna að mæta tímanlega til að fara í búninga.

Skráning hérna á síðunni.

Uppfært

Búið að breyta tíman í 21:30. Menn láta vita ef eitthvað breytist með mætingu, annars stendur fyrri melding.

TLC 6 – Metró 3

Mættum Metró mönnum í Mosfellsbænum í ágætis veðri þó hvasst hafi verið framan af. Við höfðum á að skipa heldur fámennu (en góðmennu) liði og vorum akkúrat 11.

Lokatölur voru 6-3 okkur í vil að mig minnir og mörkin skoruðu Gummi S 4, 1 sjálfsmark og Trausti með 1.

Maður leiksins var vafalaust spóaleggurinn Ívar Gestsson sem átti afburða leik á hægri kantinum og skilaði hverri frábæru sendingunni á fætur annarri inní teig andstæðingana, eingöngu vantaði hausa til að stanga þessa bolta í netið.

Liðið var svona:

Mark: Robbi

Vörn: Finnur – Garðar – Siggi H – Addi Gísla

Miðja: Ívar – Bjarni H – Vilmar – Óli Steph

Framl miðja: Gummi S / Trausti

Sókn: Trausti / Gummi S

Robbi: sýndi hve “íþyngjandi” það getur verið að búa í London – “fish and chips syndrom” eða hvað ?? – skulum orða það þannig að Robbi hefur átt betri leiki sem útileikmaður.

Finnur: átti prýðilegan leik sérstaklega framan af þegar hann sýndi góða takta fram á við.

Garðar (nýr): átti góðan leik, stór og sterkur strákur þar á ferð sem kemur til með að styrkja liðið treysti hann sér í þetta af fullri TLC alvöru.

Siggi H: skilaði góðum leik.

Addi Gísla: var öflugur í leiknum og sýndi mikinn baráttuanda – sér í lagi í einu tilfelli nánast út við hornfána þegar bakvörður Metró var að rekja boltann og þvílík hætta framundan J þá fórnaði kappinn sér í boltann og nánast tók af sér hnéð – alveg til fyrirmyndar og vonandi verður hann orðinn góður fyrir þriðjudaginn.

Ívar: klárlega maður leiksins þrátt fyrir að þurfa að fara fyrr.

Bjarni H: átti góðan leik á miðjunni og náði vel saman við Vilmar.

Vilmar (lánsmaður á vegum Bjarni H): átti góðan leik á miðjunni og náði vel saman við Bjarna.

Óli Steph prýðilegan leik.

Gummi S: komst vel frá sínu sem fyrr og setti hvorki fleiri né færri en 4 lið, þarf aðeins að stilla miðið og skorar þá 8 í leiknum.

Trausti: átti góðan leik og setti 1.

Æfingaleikur TLC og Metró

Æfingaleikur TLC og Metró er á fimmtudaginn kl. 21:15 í Mosfellsbænum. Við vorum 13 í gær og áttu flottan leik þannig að um að gera að halda áfram að mæta vel og koma okkur í smá leikform fyrir sumarið.

Allir að skrá sig (bæði þeir sem komast og komast ekki)

TLC 3 – Elliði 1

Við mættum vinum okkar í Elliða í gærkvöldi í fyrsta æfingaleik sumarsins á gervigrasinu í Mosó. Veðrið var ágætt en töluvert hvasst á köflum.Leikurinn endaði 3-1 fyrir TLC en erfitt var að dæma um hvaða mark var dæmt gilt og hvað ekki, hefði þess vegna getað verið 5-1.

Liðið var sem hér segir (4-4-2 / 4-3-3 / 4-5-1 mismundandi í leiknum) :
Mark: Gísli
Vörn: Svavar, Jón Fannar, Siggi H, Ingi Þór
Miðja: Raggi Árna, Sverrir, Stebbi, Örvar
Sókn: Gummi og Trausti

Óli Steph og Hjalti byrjuðu á bekknum en komu báðir inn á í fyrri hálfleik. Síðan var aðeins róterað eins og þurfti.

• Gísli átti rólegt kvöld en stóð fyrir sínu sem ávallt.
• Svavar átti góðan leik í hægri bakverði, solid í tæklingum og návígum. Skipti við Jón Fannar í miðvörðinn sem meiddist í nára.
• Jón Fannar (nýr) átti góðan leik það sem hann spilaði, fór útaf í fyrri hálfleik vegna eymsla í nára.
• Siggi H var sterkur að vanda í vörninni en hann vill meina að hann hafi átt sök að jöfnunarmarki Elliða.
• Ingi Þór (nýr) (maður leiksins, innskot Siggi H) átti hrikalega góðan leik í vinstri bakverði – jafnvel bara búinn að eigna sér þá stöðu J.
• Sverrir (nýr) kom mjög vel út á miðjunni, vinnusamur og fastur fyrir.
• Stebbi skilaði sínu vel sem fyrr, átti góðar sendingar og svissaði á hægri kantinn á köflum sem skilaði á endanum marki í hús.
• Raggi Árna (nýr) átti fínan leik á miðjunni og kanti, vantaði smá uppá formið – eins og hjá fleirum J (t.d undirrituðum).
• Gummi S skilaði góðum leik og einu marki (annað dæmt af), hann og Sverrir náðu mjög vel saman á miðjunni sem skilaði oft færi.
• Örvar var vinnusamur sem endranær og skilaði góðum leik
• Trausti átti góðan leik og skoraði 3 mörk en 1 var ranglega dæmt af vegna rangstöðu.
• Óli Steph átti góða innkomu á kantinn og skilaði góðum leik (skoraði mark sem var dæmt af).
• Hjalti átti einnig góða innkomu á miðjuna sem og kantinn og skilaði góðum leik.

Óhætt er að segja að nýju leikmennirnir komu vel út og lofa góðu fyrir sumarið. Gömlu jálkarnir stóðu fyrir sínu.

Það sem má taka úr þessum leik var að menn voru að spila nokkuð vel miðað við fyrsta leik og að 4 leikmenn voru að spila með okkur í fyrsta sinn. Spilað var frá aftasta manni fram á völlinn og mjög lítið fór fyrir löngum sendingum sem oft áður hefur verið að há okkur. Þannig að útlitið er mjög gott fyrir sumarið.

Næsti æfingaleikur er á fimmtudaginn gegn Metró og nú er ekkert annað en að melda sig núna í þann leik – kemur ný melding inná síðuna.

Mörk TLC:
1: Sjálfsmark
2: Gummi S
3: Stebbi

Æfingaleikir

Nú er komið að því…búið að negla niður 3 æfingaleiki og 4 á leiðinni. Allir að mæta sem mögulega geta því þetta er ca. eina æfing okkar fyrir mót. Held að þetta sé á gervigrasinu í Mosó (Siggi leiðréttir ef það er vitlaust).

Mánudag 11. maí, kick-off kl 21.15 – spilum við Elliða

Fimmtudag 14. maí, kick-off kl 21.15 –spilum við Metró

Þriðjudag 19. maí, kick-off kl 20.30 –spilum við Henson

Allir að skrá mætingu og ágætt væri ef menn gætu láitð vita bæði með mánudags og fimmtudags leikinn. Menn hljóta að geta náð mætingu á mánudagskvöldi til að vinan erkióvini okkar í Elliða.

Æfing 6/5 ‘09

Æfing í kvöld í Risanum kl 22. Það var góð mæting á seinustu æfingu og við kvetjum alla til að mæta til að ná 6 á 6.