Andleysi á Framvelli + kosning á manni leiksins

TLC mætti liði Kumho síðastliðinn miðvikudag á gervigrasi stórveldisins Fram. Bjuggust menn við hörkuleik þar sem Kumho hafa komið öllum að óvörum og eru í toppbaráttunni í okkar riðli og TLC menn staðráðnir í að sýna hvað í okkur býr eftir baráttujafntefli gegn Vængjunum. Óhætt er að segja að TLC menn voru gjörsamlega ekki mættir hugarfarslega séð því andleysi, metnaðarleysi, hugarfarsleysi,getuleysi…….. ríkti okkar leik frá byrjun. Kumho tóku öll völd á vellinum og voru mun sterkari aðilinn í fyrri hálfleik og skoruðu tvö mörk með þriggja mínútna millibili eða á 34. og 37. mín leiksins og skiptir engu máli hverjir skoruðu þau mörk en annað þeirra var gjöf af okkar hálfu. Við náðum svo að klóra í bakkann rétt fyrir hálfleik með marki frá varnarjaxlinum Jóni Fannari sem kvittaði fyrir að hafa misst boltann í einu af mörkum Kumho. Markið var fyrsta merki um iðjusemi af okkar hálfu í leiknum þar sem Jón sýndi baráttuhug inn í markteig Kumho og negldi boltann í netið af stuttu færi, gjörsamlega óverjandi. Dauft var yfir mönnum í hálfleik en allir voru hinsvegar sammála um að við myndum nú ekki fara inn á völlinn með sama hugarfar og fyrri hálfleikur reyndist. Tvær skiptingar litu dagsins ljós þar sem Ólarnir tveir Steph og Már komu inn á miðjuna fyrir Einar og Sverri og breyttu gangi svo um munaði J. Barátta Óla Márs á miðjunni ásamt vel útfærðum sendingum gerðu það að verkum að TLC komst strax inn í leikinn og náðu nokkrum góðum sóknum. Fljótt varð kappsemin samt full mikil þar sem ein góð tveggja fóta tækling ala Óli Már leit dagsins ljós en allir sluppu heilir frá þeim ósköpum (ekki að sjá að Óli hafi verið meiddur í marga mánuði). Steffarinn sýndi nokkra spretti en vantaði herslumuninn upp á að hann slyppi inn fyrir og næði að halda uppi þráðnum frá gullfallegu marki hans gegn vængjunum. Þrátt fyrir að okkar leikur hafi batnað til muna í seinni hálfleik náðu Kumho að setja tvö mörk til viðbótar á okkur og endaði leikurinn 1-4. Heilt yfir mjög bragðdaufur leikur af okkar hálfu og þurfum við að hysja upp um okkur brækurnar fyrir næsta leik. Sóknir okkar þurfa að vera mun beittari og betur útfærðar. Hefur sýnt sig að kýlingar upp miðjuna er ekki að ganga upp því lítið sem ekkert hefur komið út úr því í öllum þeim leikjum sem við höfum leikið í sumar.

Tilnefningar til mann leiksins eru að mínu mati enginn leikmaður en ég setti 4 leikmenn sem voru svona næstum því að spila fótbolta:

Maður leiksins:

Siggi Hermanns

Óli Már

Jón Fannar

Ingi

Liðið var þannig skipað:

Mark: Binni

Vörn: Garðar-Siggi-Jón F.-Ingi

Miðja: Einar-Sverrir-Stebbi-Siggi Steindórs-Hjalti

Sókn: Gummi S

Varamenn: Óli Steph,Óli Már,Svavar,Daníel,Sæmi

4. umferð TLC – Metró

Sælir drengir, Næsti leikur er gegn Metró á þriðjudaginn kemur 30 júní á Ásvöllum, kl 2100. Metró er með þrjú stig eftir þrjá leiki og þetta gæti orðið snúinn leikur. Það er ljóst að menn þurfa að koma mikið betur stemmdir í þennan leik en í þeim síðasta. Við erum nú með bakið uppvið vegg og þurfum nauðsynlega að klára alla leiki sem eftir er og það er vel hægt ef við spilum okkar bolta.

Koma svo allir að skrá sig á heimasíðunni okkar http://fctlc.wordpress.com/

Hvar: Ásvellir, Hafnarfirði Hvenær: 30 júní – þriðjudagurinn kemur Kl hvað : 2100 Mæting: 20:15 Dagskipun: gott skap og barátta Markmið: 3 fokking stig Rífum þetta upp núna og byrjum þetta mót.

3. umferð: TLC – Kumho

Skrá sig í leikinn drengir

Kosning á manni leiksins móti Vængjunum

Hart barist í Kórnum

TLC lék við Vængi Júpiters síðastliðinn fimmtudag í Kórnum. Fyrirfram var búist við hörkuleik enda Vængirnir núverandi meistarar og TLC með mjög sterkt lið, sennilega sterkasta TLC lið sögunnar. Það var þó enginn klassi yfir liðinu í byrjun enda mættu bæði búningar og boltar aðeins nokkrum mínundum fyrir leik. Það var því engin upphitun að ráði sem gengur ekki gegn liði eins og Vængjunum.
Vængirnir voru gríðarlega sterkir fyrstu 20 mín og hreinlega yfirspiluðu TLC en vörnin og markvarslan hélt. Gummi Steindórs tognaði aftan í læri eftir 10 mín og var það mikil blóðtaka, sérstaklega vegna þess að Trausti var ekki spilfær. Smátt og smátt komst TLC meira inn í leikinn og átti nokkur hálffæri. Staðan í hálfleik 0-0.
Seinni hálfleikur var mun jafnari enda getur ekkert lið keyrt heilan leik eins og Vængirnir gerðu í fyrri hálfleik. Mikil barátta var í leiknum og menn í báðum liðum lögðu allt í leikinn. Vængirnir komust yfir snemma í seinni hálfleik úr fyrsta alvöru færinu sínu. Hættulegasti maður Vængjanna, Guðmundur Auðunsson sleppur inn fyrir og skrúfar boltann í fjærhornið, glæsilega afgreitt. Fram að þessu hafði gríðarlega sterk varnarlína TLC haldið sóknarmönnum Vængjanna algjörlega í skefjum. Eftir markið sótti TLC af meiri krafti og 20 mín fyrir leikslok datt boltinn út fyrir teig eftir hornspyrnu fyrir fæturna á Óla sleggju sem smurði honum í samskeitin, óverjandi. Klárlega eitt af mörkum sumarsins. Þegar 5 mín lifðu af leiknum fengu Vængirnir aukaspyrnu á miðjum vallarhelmingi TLC. Hinn massaði og ljósabrúni senter Vængjanna setti fastan háan bolta inn á markið. Binni ætlaði að slá frá eins og hann hafði þurft að gera mjög oft í leiknum en lenti í samstuði við varnarmann og boltinn endaði í markinu. 2-1 fyrir Vængina. Allt stefndi í svekkjandi úrslit fyrir TLC þegar Siggi klettur vinnur aukaspyrnu á miðjum velli alveg út við hliðarlínu. Hann tekur aukaspyrnuna sjálfur og neglir inn á markteig þar sem Raggi beið og beið áður en hann skallaði boltann örugglega í markið, frábært jöfnunarmark á ögurstundu. Litlu munaði að TLC næði að stela sigrinum þegar Raggi slapp í gegn á síðustu sekúndu leiksins en hann setti botann yfir.
Það er ljóst að bæði þessi lið verða í toppbaráttunni í sumar. TLC er með lang sterkustu varnalínuna og þegar miðjan og sóknin verður búin að spila sig betur saman verður erfitt að eiga við TLC.

Þeir leikmenn sem ég tilnefni í vali á manni leiksins eru:
Jón Fannar
Ingi
Siggi
Raggi
Óli Sleggja

Kosning á manni leiksins er hér að ofan

Kv, Hjalti

2. umferð TLC – Vængirnir 11. júní

Þá er komið að næsta leik og er hann við meistarana frá því í fyrra, nk fimmtudagskvöld. Mikilvægt að við náum góðri mætingu og mætum VEL stemmdir. Leikurinn er í Kórnum Kópavogi og hefst kl 21.00. Mæting um 20.15

Allir að skrá sig.

PS, skv kosningunni á heimasíðunni var Trausti maður leiksins í síðasta leik og óskum við honum til hamingju. Hann hlaut 55% atkvæða eða 6 af 11. Kosning hefði mátt vera betri.

Ég tók að mér fyrsta leikjapistil sumarsins og legg til að Hjalti Gylfason taki næsta pistil. Höfum þetta síðan þannig framvegis að sá sem skrifar leggur til næsta penna.

Maður leiksins TLC – FC Ice

Fyrsti leikur sumarsins.

Fimmtudaginn 4.júní kl.21:00 hefst keppni okkar í Utandeildinni þetta sumarið. Leikið er gegn FC Ice í Egilshöllinni. FC Ice enduðu í 10 sæti í B riðli í fyrra en hafa styrkt sig mikið fyrir þetta tímabil. Við þurfum því að ná saman sterku liði annað kvöld og hefja mótið með stæl. Minni á að þeir sem eiga eftir að greiða gjaldið byrja á bekknum. Vinsamlegast commentið eins fljótt og auðið er hvort þið getið mætt til að við vitum stöðuna og til að við getum stillt upp liði fyrirfram. Mæting er stundvíslega kl.20:15.